ამბავი ქალზე, რომელმაც საკონცენტრაციო ბანაკიდან თავის დაღწევა შეძლო - უილიამ სტაირონის "სოფის არჩევანი"

ამბავი ქალზე, რომელმაც საკონცენტრაციო ბანაკიდან თავის დაღწევა შეძლო - უილიამ სტაირონის "სოფის არჩევანი"

ამბავი ქალზე, რომელმაც საკონცენტრაციო ბანაკიდან თავის დაღწევა შეძლო - უილიამ სტაირონის "სოფის არჩევანი"

 

"სოფის არჩევანი" ცნობილი რომანია - ამბავი ქალზე, რომელმაც მეორე მსოფლიო ომის დროს, ოსვენციმას საკონცენტრაციო ბანაკი გამოიარა და გადარჩენა შეძლო. სართოდ, რა ფასად ახერხებს ადამიანი სიცოცხლის შენარჩუნებას, მით უფრო, სიკვდილის ბანაკში? რა ღის სიცოცხლე?

 

წიგნის ავტორი უილიამ სტაინორია. ამერიკიდან ევრობაში გადაბარგებულმა, 1951 წელს პირველი რომანი "Lie Down in Darkness" გამოაქვეყნა, ეს ერთგვარი შემოქმედებითი მოთელვა იყო, რადგან წლების შემდეგ, 1967 წელს მან დააწერა რომანი "The Confessions of Nat Turner, რომლის გარშემოც დიდი ხმაური ატყდა, ავტორი რასიზმში დაადანაშაულეს და ისტორიული ფაქტების დამახინჯება დასდეს ბრალად. თუმცა ხმაურმა პოპულარობა და პულიცერის პრემია მოუტანა მას. არანაკლები კრიტიკის ქარცეცხლში გახვიეს სტაირონი 10 წლის შემდეგ, "სოფის არჩევანის" გამო, განსაკუთრებით უკმაყოფილო და შეურაცჰყოფილი ებრაელი საზოგადოება დარჩა, თუმცა წინგში მოთხრობილმა მძიმე ცხოვრებისეულმა დრამამ, დიდი პოპულარობა მოუტანა არა მხოლოდ ავტორს, არამედ ჰოლივუდის ახალგაზრდა მსახიობ მერილ სტრიპსაც, რომელმაც 1987 წელს ეკრანიზებული რომანის მთავარი გმირის განსახიერებისთვის ოსკარი დაიმსახურა. ( ფილმის ქართულ ენაზე სანახავად ეწვიეთ ბმულს )

 

რომანის ერთ-ერთი მთავარი გმირი, მთხრობელი, სამხრეთელი ახალგაზრდაა, სახელად სტინგო, რომელმაც, რომანის ავტორივით, დიუკის უნივერსიტეტი დაამთავრა და მეორე მსოფლიო ომის დასასრულს სხვადასხვა ბრძოლაში მონაწილეობაც მოასწრო. ის ნიუ-იორკის ერთ-ერთ გამომცელობაში მუშაობს, მაგრამ სხვისი ნაწერების კითხვა ბეზრდება და გადაწყვეტს თვითონ გახდეს მწერალი. შემოქმედებით განწყობის შესაქმნელად სტინგო ბრუკლინში გადადის და ქირაობს სახლს, რომელშიც პოლონელი სოფი ზავისტოვსკაია და მისი ბოიფრენდი, ახალგაზრდა ებრაელი მეცნიერი ნათან ლანდაუ ცხოვრობენ. სოფი და ნათანი სტინგოს უახლოესი მეგობრები ხდებიან. მომავალი მწერალი სულ უფრო მეტს იგებს ახალგაზრდა ქალის შესახებ. სოფი 
თავად ჰყვება, როგორ ცხოვრობდა ოკუპირებულ პოლონეთში, როგორ ჩავარდა ტყვედ და მიუხედავად იმისა, რომ ებრაელი არ არის, როგორ მოხვდა  ოსვენციმის საკონცენტრაციო ბანაკში  პოლონელ ებრაელებთან ერთად. 

 

შეყვარებული წყვილი, ერთი შეხედვით, ბედნიერი და უზრუნველია, თუმცა სტინგო სულ უფრო ხშირად შეესწრება ხოლმე ნათანის მოუთოკავ მრისკანებას  - ახალგაზრდა ებრაელი მეცნიერი სასტიკად უსწორდება თავის რჩეულს, სცემს მას და "ფაშისტების მეძავს" უწოდებს და სახლიდან გარბის, თუმცა ყოველთვის ბრუნდება და ცრემლებით სთხოვს პატიებას. ნათანი თითქოს შეპყრობილია გერმანელებზე და მათ ფარულ მოკავშირეებზე შურისძიების წყურვილით. ის სულ უფრო ხშირად მოითხოვს სოფისგან პასუხს კითხვებზე, ცოცხალი როგორ გადაურჩა ყველაზე სასტიკ საკონცენტრაციო ბანაკს მაშინ, როცა მილიონობით ებრაელი ამოიგუდა გაზის კამერებში? ეს საიდუმლოა. 

სოფის არჩევანი მისი გადარჩენის საიდუმლოა. 

რამ გადაარჩინა სიკვდილს - ამას განგებ არ ვამბობთ ახლა. დაე ამ დაფარული ამბის გაცხადების მოწმე მკითხველი თავად გახდეს, როცა წიგნს წაიკითხავს. ეს წიგნი ხომ მისი არჩევანია. 

 

წიგნის შეძენა შესაძლებელია ჩვენს ვებ გვერდზე Readersland.ge-ზე. 

 

შესაძენად ეწვიეთ ბმულს